Este domingo 29, puidemos facer un roteiro polos montes de Louredo, visitando algúns restos arqueolóxicos.
Contamos coa colaboración da Comunidade de Montes de Louredo, Centro Cultural A Cividade de Louredo e a dirección do arqueólogo Alberte Reboreda.
Subimos ata o Chan do Marco en todoterreo, e despois a camiñar! Foron case 9 km.
O tempo ameazaba chuvia, e en algún momento caeron algunhas gotiñas, pero ó final saíu o sol, e ata facía calor.
Esta é a ruta, coas indicacións dos petróglifos e a mámoa.
Comezamos visitando o petróglifo de San Antoiño, a beira do campo de fútbol na urbanización. Este petróglifo salvouse de milagre, xa que está os pés do aparcamento e de todas as obras que se fixeron pola zona.
Petroglifo en San Antoiño
Despois montamos nos todoterreos e chegamos o Chan do Marco, onde comezamos a andaina, cunha “pequena” subida.
Subidiña
A Mámoa de Salgueirón
A Mámoa de Salgueirón
O can arqueólogo.
Despois seguimos ata o petróglifo de Salgueirón. Impresionante petróglifo, cunhas vistas estupendas do val.
Petróglifo de Salgueirón
Petróglifo de Salgueirón
Petróglifo de Salgueirón
Finalmente seguimos ata o petróglifo da Alarma, descuberto pola asociación fai apenas uns anos.
Petróglifo da Alarma
Petróglifo da Alarma
Agardamos que os asistentes desfrutasen da ruta e aprendesen sobre estes restos arqueolóxicos.
Recordade que non se deben “pintar”, nin marcar os petróglifos se os visitades. E procurar non pisalos moito, para evitar o deterioro de estas herdanzas con varios milenios de antigüidade.
Festa da Prehistoria 